Swědki stawiznow znosył We wjacorych rěčach w přirodźe Z

SERBSKE NOWINY
SRJEDU, 8. JUNIJA 2011
strona 4
INTERVIEW
přidruži, kiž njeje so na probach wobdźělił. To je potom prosće přepozdźe.
Ke kotrym dźělam Božeje mšě pod hołym
njebjom ma wulki serbski chór spěwać?
Serbske hudźbne
přinoški swjatki
w Drježdźanach
Dźensa wječor wotměje so třeća a poslednja proba spěwarkow a spěwarjow z wosom serbskich chórow za sobuwuhotowanje swjedźenskich kemšow składnostnje zbóžnoprajenja kapłana Alojsa
Andrickeho swjatki póndźelu w Drježdźanach. Chrysta Meškankowa je so z dirigentom projektneho spěwneho ćělesa,
Budyskim tachantskim kantorom Friedemannom Böhmu, wo stawje přihotow
serbskeho hudźbneho podźěla na tutym
swjedźenju rozmołwjała.
Dotal wotměštej so w Chróšćanskej
„Jednoće“ dwě zhromadnej probje. Kak
sće ze stawom dźěła spokojom?
F. Böhme: Jako mjezyspěw mamy swjatkownu antifonu a wotpowědny psalm
přihotowany. Za přinos darow je Jan Cyž
k tekstej Michała Nawki „Čisty chlěb
ći darujemy“ rjanu chórowu sadźbu
na swójsku nowu melodiju skomponował. „Jehnjo Bože“ je originalna
twórba Bjarnata Krawca, wuwzata
z „Božeje mšě w kěrlušach“, spisaneje
składnostnje primicy Alojsa Andrickeho
w lěće 1939. K swjatemu woprawjenju
zaklinči „Chwalospěw“ (Te Deum)
z pjera Jana Pawoła Nagela.
Je mjeztym jasne, hdźe so wulki serbski
spěwny cyłk zaměstni?
F. Böhme: Bohužel njebudźe tam za nas
podest natwarjeny. Chór ma na płonej
runinje njedaloko wołtarja stać. Wołtar
budźe před hłownym zachodom katedrale.
Štó nimo serbskeho chóra kemše hudźbnje
wobrubi ?
„Dóstanjemy was na wodu!“, rěka hesło Karstena Dirkxa, kotryž je njedawno při Lejnjanskim jězoru płachtakowansku šulu
wotewrěł. Hromadźe z Němskim zwjazkom šulow sportowych čołmow organizuje wón w lětnich prózdninach kursy za dźěći
w starobje šěsć do 13 lět. Dorosćenym zmóžnja šula złožić čołmowu dowolnosć a wšitke škričkowanske licency. Tak móža woni tež
na morju płachtakować.
Foto: U. Herzger
F. Böhme: Naše zhromadne chórowe
dźěło je so derje wuwiło. Jednotliwe
chóry pak su tež same dale zwučowali.
W druhej probje bě jasnje pytnyć, zo su
so chórisća na dirigenta zwučili. Woni
su zwjetša jara kedźbliwi a derje na njeho
reaguja.
F. Böhme: Samozrozumliwje zaspěwaja
tohorunja Drježdźanscy kapałnicy pod
nawodom Matthiasa Liebicha. Hudźić
budu dujerjo z Radeberga kaž tež štyrjo
Drježdźanscy jazzowi instrumentalisća.
Pančičanske a čěske dźěći dožiwjeja pola Libereca zhromadny projekt
Kelko ludźi mjeztym přibližnje sobu
spěwa?
Popołdnju wotměje so nyšpor w katedrali.
Mamy tam serbski podźěl wočakować?
We wjacorych rěčach w přirodźe
F. Böhme: Minjenu sobotu zličichmy
přibližnje 210 spěwarkow a spěwarjow.
Wjedźemy tež lisćiny wobdźělnikow jednotliwych chórow. Nochcemy, zo so
w poslednim wokomiku hišće něchtó
F. Böhme: Nimo kapałnikow spěwa na
nyšporje naš Budyski gymnazialny chór.
Za wosadu pak su tež serbske kěrluše
z přewodom pišćelow předwidźane.
Wutrobny dźak!
Liberec (SN/MWj). Šěsnaće dźěći 3. lětnika Pančičanskeje Šule Ćišinskeho přebywa hač do jutřišeho zhromadnje z třiceći dźěćimi 3. lětnika Liberecskeje zakładneje šule z rozšěrjenym rěčnym
profilom w hórskej bawdźe Pláně
pod Ještědem pola Libereca. Tam wobdźěleja so wone na zhromadnym projekće
čěskeho zwjazka přećelow přirody
Čmelák a němskeho Křesćanskeho
zwjazka młodych ludźi (CVJM), kotryž
spěchuje eurorogion Nysa we wobłuku
programa Europskeje unije Cil 3.
Po słowach projektneje nawodnicy
CVJM Birgit Fleischer dźe hłownje wo to,
zbližić holcam a hólcam rjanosće přirody
a jim wažnosć jeje zachowanja wuswětlić.
„Runje tak wažne pak nam je, zo so
šulerjo ze wšelakich krajow zetkawaja.
Serbske kaž tež čěske dźěći tule na hrajkace wašnje dožiwjeja, kak bliskej sej
jich rěči stej“, praji Birgit Fleischer.
Hižo póndźelu steješe pućowanje na
Ještěd na programje. Wječor so šulerjo
mjez sobu předstajichu. Łužičenjo běchu
za to wulki plakat zhotowili, na kotrymž
zwobraznichu wsy wokoło Pančic, tudyše
nałožki a wosebitosće. K tomu zaspěwachu serbske pěsnje a předstajichu někotre
rejki, kotrež čěscy přećeljo samo zdźěla
sobu rejwachu. Zhotowjeny plakat woni
čěskemu kubłanišću darichu. Šulerjo
z Liberecskeho kubłanišća pokazachu
nimo pěsnjow a modernych rejow někotre kuzłarske triki. Wčera steještej botaniske pućowanje z fachowcom po lěsu
kaž tež rozłoženje geologiskich a geografiskich zajimawostkow wokoło Ještěda
na programje. Dźensa zaběrachu so dźěći
z ptačinu a sadźichu w lěsu štom. Prjedy
hač so jutře popołdnju nawróća, wopytaja
Liberecski sewjeročěski muzej.
Čěska wučerka Petra Čechanova
chwali sej na projekće předewšěm rěčny
kontakt mjez čěskimi a serbskimi dźěćimi. „Je widźeć, zo so wone derje rozumja.
A hdyž scyła dale njeńdźe, pomhaja tež
jendźelšćina abo ruce a noze.“ Podobnje
widźi to Pančičanska wučerka Martina
Čornakec: „Našim dźěćom so tu jara lubi.
Wone su mjez sobu spěšnje kontakt nawjazali a njeboja so druhemu so bližić,
wšako stej sej rěči podobnej, a to wšitcy
tule jara nazornje dožiwjeja.“
Klankodźiwadło w parku
Mały Wjelkow. Jako dalši wjeršk składnostnje 30lětneho jubileja Małowjelkowskeho prazwěrjenca čaka na hosći swjatki
sobotu a njedźelu, 11. a 12. junija, lóštna
nalada z Budyskim klankodźiwadłom.
Ansambl předstaji na woběmaj dnjomaj
w 14 hodź. hru „Zajac a jěž“.
„Via Regia woła“ na K-TV
Čěskim šulerjam pokazachu holcy a hólcy 3. lětnika Pančičanskeje Šule Ćišinskeho
zawčerawšim wječor mjez druhim Šewsku reju.
Foto: M. Wjeńka
Chrósćicy. Loni w Chrósćicach předstajenu dźiwadłowu hru „Via Regia woła“
chce priwatny telewizijny sćelak K-TV
přichodne dny wjackróć wusyłać. Prěni
dźěl pokazaja nimale hodźinu, a to jutře,
štwórtk, w 22.30 hodź., pjatk, 10. junija,
w 17 hodź. a njedźelu, 12. junija, w 0.00
hodź. Druhi dźěl hry wusyłaja sobotu,
11. junija, w 10 hodź., njedźelu, 12. junija, w 21 hodź., wutoru, 14. junija,
we 18 hodź., srjedu, 15. junija, w 9 hodź.
štwórtk, 16. junija, w 22.30 hodź. pjatk,
17. junija, w 17 hodź. a njedźelu,
19. junija, w 0.00 hodź.
Koncertaj w zwěrjencu
Wojerecy. Sobotu, 12. junija, budźe we Wojerowskim zwěrjencu hižo tradicionalny
swjatkowy koncert, a to na tamnišej terasy hosćenca „Jambo“. Wot 14 hodź. zahraje
40 hudźbnikow Orchestra łužiskeje brunicy klasisku dujersku hudźbu hač k rockowym a popowym zynkam. 17. junija su hosćo na dalši koncert do zwěrjenca witani. Pod
hesłom „Rockować, doniž lěkar njepřińdźe“ chcedźa šulerjo Wojerowskeje hudźbneje
šule swoje zamóžnosće pokazać.
Klawěrny koncert w Serbskim muzeju so wotměł
Z prěnjorjadnym Korejčanom
Budyšin (CRM/SN). Najebać krasne lětnje wjedro minjenu njedźelu, kotrež skerje do přirody wabješe, je so wjele lubowarjow klawěrneje hudźby do Serbskeho
muzeja podało, zo bychu tam młodeho
korejskeho pianista Wona Kima dožiwili.
Wón bě swoju koncertnu turneju w Italskej zahajił, hdźež je mjez druhim
w sławnej cyrkwi swj. Pawoła koncertował po tym so přez Rumunsku a Madźarsku do Prahi podał a nětko do Budyšina. Tutón koncert běše hudźbny manager Ivo Klingauf sposrědkował. Twórby
Ludwiga van Beethovena, Fryderyka
Chopina a jako grandiozny wukónc
Ferenca Liszta składnostnje jeho lětušich
200. narodnin stejachu na programje.
Won Kim słuša k wonej młodej generaciji aziskich wuměłcow, kotřiž wobknježa dźensa wobraz ameriskich a europskich wysokich hudźbnych wuwučowarnjow. Doma dósta wón wot nana
zakładne wukubłanje na klawěrje, poda
pak so po swojim poradźenym debiće
z dwanaće lětami w Seoulu do New Yorka
na dalše wukubłanje a zabsolwowa studijej w Salzburgskim Mozarteumje
a w Hannoverje. Na mjezynarodnych
wubědźowanjach słušeše k „wotrumo-
warjam mytow“. A tež na Budyskim
koncerće so zaso wujewi, zo budu jara
talentowani a přewšo pilni Aziaća – wuměłcy kaž tež wuměłče – přichodnje dale
a bóle na prědnich městnach lisćin
sławnych interpretow europskeje klasiskeje hudźby stać.
Swój program zahaji Won Kim z Beethovenowej sonatu čo. 3 w c-moll, kotraž
je z „Grande Sonate Pathétique“ titulowana a jara emocionalnje zapołožena. Zwurazni dźě w njej tehdy hakle 38lětny
komponist wšu swoju ból, po tym zo bě
wo swojim wosudźe zhonił, zo budźe
bórze hłuchi. Atmosfera wosobinskeje
tragiki hudźbnika wjedźe so přez wšitke
tři sady a interpret ju ze swojej wysoko
wuwitej hrajnej techniku hišće powyši.
Sylny přiklesk a brawo-wołanje zbudźi
na to elegantny přednošk F. Chopinoweje
sonaty opusa 58 z lěta 1844. A zaso
prawje wuhrać zamó wuměłc tež hłuboko
začuwane a wot Ferenca Liszta na klawěr
přenjesene jara popularne wuměłske
spěwy Franza Schuberta, mjez nimi tež
„Ave Maria“. Ze „Španiskej rapsodiju“
samsneho komponista, za swój čas zdobom najbóle sławjeneho klawěrneho wirtuozy, so koncert zakónči.
Swědki stawiznow znosył
Zubornička (HN/SN). Domizniske stwy su zarjadnišća, w kotrychž móža
so wopytowarjo dokładnišo wo stawiznach wotpowědneje wsy abo města
wobhonić. Bohužel pak móža komuny tute domicile napjateho financneho połoženja dla často jeno čestnohamtsce wudźeržować. Trěbni su za to
z domiznu zwjazani a angažowani ludźo z wobšěrnej stawizniskej wědu.
A runje tajkeho muža su w Zuborničce narěčeć móhli, 68lětneho
elektrikarja Theodora Hensela. Z wulkej lubosću je wón w swojim
ródnym domje a w předawanskej rumnosći něhdyšeje pjekarnje mnohe
swědki wjesnych stawiznow hromadu znosył a je jako wustajeńcu
zestajał. Žro pokazki je něhdyša wuhlowa jama, runje tam, hdźež je
dźensa woblubowany Olbaski kupanski jězor. Wupołožene ma Hensel
tohorunja stare podłožki bywšeje šamotownje, na kotrejež městnje steja
nětko hale zawoda Creaton, kotryž produkuje třěšne cyhele.
Rady załožeja do domizniskeje stwy tež pućowarjo a turisća.
Na chłódnych dnjach su to wosebje stanowarjo při Olbje abo dowolnicy
z cyłeje Němskeje. Dokelž njeje wšědnje wotewrjena, přewjeduja w njej
prawidłownje dźeń wotewrjenych duri. Přichodny budźe sobotu,
11. junija. W juliju, awgusće a septembru dalše slěduja. Wuwěški za to su
na informaciskich taflach. Po swojich móžnosćach Hućinjanska gmejna
wuhotowanje muzeja podpěruje, hewak je hibićiwy Theodor Hensel
Theodor Hensel je w Zuborničce domiznisku stwu jako na pjenježne a dalše dary pokazany. Přeja-li sej zajimcy wodźenje, njech
wjesny muzej zarjadował.
Foto: H. Noack so telefonisce pod čisłom 035932/ 31 812 pola njeho přizjewja.
Mittwoch, 8. Juni 2011keine Farbseparationsn0806-4
Wirtuozny pianist Won Kim je minjeny kónc tydźenja we wobłuku swojeje europskeje turneje tež připosłucharjow w Budyšinje zahorił.
Foto: SN/M. Bulank