Tute hry su w Smolerjec kniharni a we wobchodach na wsach
Transkript
Tute hry su w Smolerjec kniharni a we wobchodach na wsach
Tute hry su w Smolerjec kniharni a we wobchodach na wsach, hdźež so serbske knihi poskićuja, na předań. Hry z alfabetom wuknjenska software za zakładnu šulu 15,00 € Wuknjenska CD „Hry z alfabetom“ wobsahuje 15 multimedialnych hrow dokoławokoło alfabeta. W najwšelakorišich nadawkach zwučuje a skruća so serbski alfabet. Tak dyrbja šulerjo falowace pismiki zasadźeć abo pismiki a słowa po alfabeće rjadować. Dale móža šulerjo pismikowe rjady dopjelnić, předchadnik a naslědnik pismikow postajić a z pomocu předchadnikow słowa tworić. Dalša hra zaběra so z dźěłom ze słowničkom. Wosebite wjeselo wubudźa zawěsće hry z křižowkami a memory. We wšitkich zwučowanjach skruća so nimo alfabeta tež słowoskład šulerjow. Domino ze słowami kartowa hra 12,00 € Hry, kotrež podpěruja wuknjeni proces čitanja, su za šulerjow jara wažne a wužiwaja so rady dla swojeho zabawneho charaktera. Při tym šulerjo z wulkim lóštom wuknu a z wjeselom čitaja. Domino wobsahuje 20 hrow ze stajenje 15 kartkami z rozdźělnym stopjenjom ćežkosće. Kartki hodźa so tež derje we wučbje serbšćiny při diferencowanym dźěle zasadźić. Z pomocu hrow rozšěrja so zdobom słowoskład šulerjow. Hrać móže so z pismikami, słowami, złóžkami, rymowankami a adjektiwami. Tež pobrachowace pismiki w słowach maja šulerjo prawje přirjadować. Za lěpše rozeznawanje hrow je kóžda dominowa kartka z wotpowědnym barbnym ramikom wuhotowana. Pismikowy memo 12,00 € Pismikowy memo garantuje wjeselo při hraću w pěstowarni, zakładnej šuli abo w swójbje. Z pomocu hry trenuje so koncentracija, pomjatk, wutrajnosć a kmanosć rozeznawanja. Dźěći w předšulskej starobje nawuknu při hrajkanju pismiki serbskeho alfabeta. www.recny-centrum-witaj.de Hru a kalender dóstanjeće w Budyskej Serbskej kulturnej informaciji abo direktnje w Rěčnym centrumje WITAJ. Rymowy memo hra k trenowanju pomjatka a zwučowanju čitanja škitna płaćizna: 2,50 € Rymowy memo wabi k lóštnej zaběrje ze serbskej rěču a wobsahuje cyłkownje 36 rymowych kartkow. K stajnje jednomu serbskemu zapřijeću ma šuler(ka) rymej wotpowědowace słowo namakać, kotrež předleži jako ilustracija. Rymowy memo hodźi so wužiwać w pěstowarni a jako přidatny wučbny srědk w zakładnej šuli. Narodninski kalender škitna płaćizna: 2,50 € Narodninski kalender w hornjoserbskej rěči je za serbskich a serbsce wuknjacych dźěći w pěstowarnjach a šulach. Kóžde kalendrowe łopjeno je barbnje ilustrowane a skića holcam hólcam nadosć městna k zapisowanju narodnin a narodninskich swjedźenjow swójbnych, přećelow a znatych. Kalender njeje na wěste lěto wjazany. www.recny-centrum-witaj.de